[QUOTE=الشيف لولو;256524]
[SIZE="4"][color:6425="DarkOrchid"]مرحبا حبيبات قلبي
محبات السي فود
يمي يمي
تعالوا هنا في اول تقرير مصور عن مطعم رد لوبستر في الشبكة العنكوبتية <<<<<<متعوب عليها
المطعم طبعا مشهور جدا بالاطباق البحرية وبالاخص اللوبستر ( الاستكوزا)
رغم انه البعض ما اعرف ليش ما يحبوا القشريات جمبري والاستكوازا والكراب بس انا اقولهم ترا انتو فاتكم لذاذات كثيرة
فطعم هذه اللحوم لذيذ وتتميز بانها طرية مثل الزبد و غنية بالنكهة
اهم شي الطبخ على نار عالية وبسرعة عشان ما تقسى وتفقد الطعم والفائدة
[/SIZE]
[color:6425="DarkOrange"]بعد المقدمة الطويلة
نجي للمطعم
طبعا المطعم في جدة في شارع ولي العهد
مرة من المراير قررنا نتغدى في مطعم وكان اختيارنا لمطعم رد لوبستر
وفعلا رحنا له المطعم في الظهر فااااااااضي
لكنه حار شوية رغم المكيفات بس الجو يغلب المكيفات كلها
يتميز المطعم بوجود البارتشين وهذا شي نادر في جدة وانا ارتاح اكثر في المطاعم اللي كذا لان عيون الويترز طويلة غالبا
على العموم
ما اطلبنا اشياء كثير واعذورني التصوير بالموبايل نسيت الكاميرا بس ماحبيت افوت التصوير
هذه صورة العايلة الكريمة بس غممت الوجيه لحاجة في نفس يعقوب :أم أسيل*:
[SIZE="5"][color:6425="Red"]هذول بناتي في الكراسي
[/SIZE]
[SIZE="5"][color:6425="red"]وهذا ولدي في البيبي تشير
[/SIZE]
[color:6425="red"][SIZE="5"]ولاحظوا البارتشين حوالين الطاولة
[/SIZE]
[color:6425="RoyalBlue"][SIZE="5"]
هذا قدموه بعد ما جلسنا كربوا وخبز مقلي قدموا معاه صوص ما صورته قريب من الكاتشب بس ما ذقته
وقدموا خبز طازج وزبدة بس برضو ما صورتها :الشيف لولو*:[/SIZE]
[color:6425="rgb(65, 105, 225)"]
[SIZE="5"]نجي للطلبات
فيش نقت طلبتا لولدي جابوا معاه صوص وبطاطس مقلية
طعمها لزيز وغير عن الباقيات وهي اقرب لانها تكون كفتة سمك من الفيش نقت
سلمون مدخن
لذيذ مرة انا احبه كثير وعجبني ماشاء الله وعجب بناتي ماشاء الله كثير هو الصحن فيه اكثر من كدا بس نسيت اصور من بدري سامحوني :قطعة شكولاته*:
هذه شوربة كراب بالذرة
يمي مرة لزيزة
شورية كريمة القواقع لزززززززززززززية اخر لزازة
وهذا لوبستر بالجبنة
لذيذ ماعليه كلام يستاهل بؤكم
وهذا لوبستر سيزلنق - بالطبق الحار - الطبق هذا طعمه صيني او آسيوي لذيذ بس الحقيقة ما اتوقعناه يكون على شكل ايدام او مرق
وأخيرا اللوبستر المشوي سيد المائدة وألذ الاطباق كلها يمي بطريقة مو معقولة لازم تجربوه لانه لزيز مرة
[/SIZE]
:الشيف لولو*:
[SIZE="4"][color:6425="DarkOrchid"]على فكرة هذا الفيس عاجبني لانه على اسمي فحبيت احطه من غير داعي هنا
احبكم يا شمواه
وفي النهاية اتمنى يكون تقريري عجبكم
والمطعم ككل رائع بس عيبه التكييف كان حار شوية والجو ما يساعد :عسل فرنسي*: ولو عجبكم ما تنسوا اللي اتعودنا عليه
سي يو[/SIZE]
[/QUOTE]